ဘယ်အချိန်မှာပျော်ဖို့စဉ်းစားထားလဲ

                   ကျွန်တော်သင်္ဘောသားဘဝက အထက်အရာရှိတစ်ယောက်ပြောတာလေး ပြန်သတိရမိတယ်။ တစ်ခါစကား လက်ဆုံကျရင်း သူက သူ့ဘဝအကြောင်း ကျွန်တော့်ကို ပြောပြတယ်။ "ညီရယ်... အစက လစာမကောင်းတုန်းက ကျပ်တည်းသလို လစာကောင်းလာတော့လည်း သူ့အထွာနဲ့သူ ကျပ်တည်းတာပါပဲ။ အစကအိမ်ကသေးသေးလေး၊ တီဗွီလည်းမရှိ၊ ကားလည်းမရှိ၊ မိန်းမက ခြွေတာသုံးစွဲပြီးနေခဲ့တယ်။ အခုတော့ ဖုန်းတွေပေါ်လာ၊ ကားတွေရှိလာ၊ တီဗွီတွေ ရှိလာတော့လည်း အသုံးစရိတ်တွေက ဝင်ငွေတက်လာသလို လိုက်တက်လာတာပါပဲ။ သေချာပြန်စဉ်းစားကြည့်တော့ မထူးပါဘူးကွာ" တဲ့။ သူပြောသွားတဲ့ စကားက တကယ်ကို မှန်ပါတယ်။ လူတစ်ယောက်မှာ ဝင်ငွေတွေ တိုးလာတာနဲ့ထွက်ငွေတွေကလည်း များလာပါတယ်။ ပိုက်ဆံတွေများလို့ ငွေရှာတာရပ်တော့မယ်ဆိုတဲ့ သူဌေး တော်တော်ရှားပါတယ်။ အားလုံးက ဒီထက်သာအောင် အမြဲကြိုးစားရင်းနဲ့ပဲ ဘဝ ကုန်ဆုံးသွားတတ်ကြပါတယ်။ ဒီတော့ ဘယ်အချိ်န်ပျော်ကြမှာလဲ၊ မိတ်ဆွေရော ဘယ်အချိန်ပျော်ဖို့ စဉ်းစားထားလဲ။ စဉ်းစားနေရင် ကြာပါတယ်။ အခုပဲပျော်ဖို့ ကြိုးစားလိုက်ပါ။ နေ့တိုင်း ပျော်ပျော်ရွှင်ရွှင် ဖြတ်သန်းပါ။

                   သင့်အပေါ်  ခြင်နားရင် သင်ဘာလုပ်လဲ။ မောင်းထုတ်မယ် သို့မဟုတ် ရိုက်မယ် မဟုတ်လား။ အဲ့ဒီလိုပဲ သင့်ရဲ့ပျော်ရွှင်ခြင်းကို ထိခိုက်မယ့်အရာတွေ သင့်စိတ်ပေါ်မှာ လာနားရင် မောင်းထုတ်ပစ်ပါ။ အနားမခံပါနဲ့။ သူတို့ကတော့ အနည်းနဲ့ အများ လာနားကြမှာပါပဲ။ အကြာကြီး လာမနားအောင် လုပ်ရမှာက သင့်တာဝန်ပါ။ သူတို့ကို အကြာကြီးနားခွင့်ပေးလိုက်ရင်တော့ သင်ပဲကျန်းမာရေး ချို့ယွင်းလာမှာပါ။ ကိုယ်သွားချင်တဲ့ နေရာကို ရောက်အောင်သွားပါ။ သွားနေစဉ် နေ့တိုင်းမှာလည်း ပျော်အောင်နေပါ။ ချာလီချက်ပလင်က တစ်ခါပြောဖူးတယ်။ "မရယ်ဘဲနေနဲ့နေ့တစ်နေ့က ဖြုန်းတီးပစ်လိုက်တဲ့ နေ့တစ်နေ့ပဲ"   တဲ့။ ဒါ့ကြောင့် နေ့တိုင်း ပြုံးမိအောင်ပြုံးပါ။ ရယ်မိအောင် ရယ်ပါ။ ပျော်ရွှင်ခြင်းဟာ အဝေးကြီးမှာ မဟုတ်ပါဘူး။ မိတ်ဆွေအနားမှာပဲ ရှိပါတယ်။ မိတ်ဆွေတွေ့အောင် ကြည့်တတ်ဖို့ပဲ လိုတာပါ။